फिल्महलमा “बक्स अफिस” लागू

यहि साउन १ गते बाट लामो समयदेखि निकै चर्चा भई आएको “बक्स अफिस” काठमाण्डौं उपत्यकामा लागू भएको छ । यो बक्स अफिस लागू भएपछि चलचित्रको आयको सम्पूर्ण जानकारी अनलाईन डाटा मार्फत प्राप्त हुन्छ । यो बक्स अफिस एकप्रकारको केन्द्रिकृत इ–टिकेटिङ सिस्टम हो । कुन हलमा कति टिकट बिक्रि भयो भन्ने तथ्यांक लिन यो प्रणालीबाट सजिलो हुन्छ । चलचित्र विकास बोर्डमा आयोजित एक कार्यक्रममा बक्स अफिसको उद्घाटन गर्नुहुदै सञ्चार तथा सूचना प्रविधि मन्त्री गोकुल बास्कोटाले चलचित्रबाट संकलन हुने राजस्वमा यस किसिमको बक्स अफिसको मद्दतले ठूलो सहयोग पुग्ने कुरा बताउनु भयो ।

यसको कारण राज्यलाई कर छल्ने प्रवृत्तिको अन्त्य हुनेछ । साथै फिल्मको व्यापार अवस्थाको बारेमा जानकरी हुनेछ । उपत्यकाका सम्पूर्ण हलहरुमा यो बक्स अफिस लागू भएको जानकारी गर्नु हुदै आगामी असार मसान्त सम्म उपत्यका बाहिर पनि बक्स अफिस लागू गर्ने प्रतिवद्धता मन्त्री बास्कोटाले गर्नुभयो । चलचित्र विकास बोर्डमा राखिएको सर्भरले यसमा जम्मा भएको तथ्यांकहरु फिल्म निर्माता तथा वितरकलाई दिन्छ । सबै हलहरुबाट सफ्टवेयर मार्फत लिंक गराउदै यसले तथ्यांक संकलन गर्ने गर्दछ ।