चाडपर्वको अबसरमा अनुगमन होस

pb diyali

चाडपर्ब नेपालीको संघारमा आई सकेको छ । कोरोना महामारीको तनाव उत्तिकै छ । कोविड बिरुद्ध खोप जारी रहेकोले मान्छेमा कोरोनाको डर अलि हराउन खोजेको हो की ? जस्तो देखिन्छ । मानिसहरुको बजारमा चहलपहल बढन थालेको छ। गत बर्षको दशैं पनि कोरोना कहरमै बित्यो । मान्यजनहरुको हातबाट टीका आसिरबाद लिने पुरानो चलन कायम राख्न मन पराउनेहरुलाई टेवा दिने गरि सरकारले पनि झण्डै एकहप्ता बिदा दिन्छ। राम्रा राम्रा कपडा लगाउने,मीठो मसिनो खाने, रमाइलो गर्ने यो पर्ब हिन्दु सनातनीहरुको मुख्य पर्ब हो , यो बेला हाटबजारहरुमा ब्यापक किनमेल हुन्छ। किन्नेहरुकोलागि सौखिनका सामाग्रिहरु र दैनिक रुपमा आधारभुत आबास्यक्ताका सामाग्रिहरु बढी मात्रामा खपत हुन्छ । बिक्री गर्नेहरुले पैसा कमाउने मौका ठानेर सदा भन्दा ज्यादा नै खटने गर्छन । यस्तो बेला ब्यबसायिक अनुशासन उलंघन गरेर पनि केही कमाउ प्रबृतीका ब्यपारीहरुले नियतबस ठग्न खोज्छन । सामानहरुमा मिसावट, कम तौल, गुणस्तरहीनलाई पनि ठेलमेल गरेर सफा ताजामा घुसाइदिने गर्दछन । महंगी पनि बढने हुन्छ । मान्छेले नलिकन सुख्खै नहुने सामाग्रिहरु बिषेस गरेर खाद्य पदार्थ, लत्ता कपडा, सौखिनका सामाग्रिहरु, गिफट आइटम, फलफुल र गेडागुडीहरु प्रायः बजारमा चल्ति छ । नेपाली बजारमा आफनै उत्पादनले अपुग भएपछि बिदेशी सामानहरु ऋायत हुन्छ । मौका छोपेर ठूलाठूला ब्यपारीहरुले धेरैधेरै परिमाणमा मगाउंदा सबै चीज सहि नआउन पनि सक्छ । सरकारले नाकाहरुमा चेकजाँच त गर्ने होला तर प्रभावकारी हुन सकेको छैन । बिगत बर्षहरुमा गरेको काम गराईले यस बर्ष पनि सोही लाइन नसमाति उपाय छैन । किन की हाम्रो प्रशासन पुरानै पारामा छ । जनताले खरिद गर्ने र ब्यपारिहरुले बेच्ने सामनहरु सुद्ध र सफफा आउनु पर्छ । त्यो बारेमा स्थानीय निकायका जनप्रतिनीधीहरुले सम्बन्धित जिल्लाका सिडीओहरुसंग सहकार्य गरेर अनुगमन गर्नु पर्छ । दोषी देखिएकालाई कानुन अनुसार कार्बाही भए गरेमा अरुले त्यस्तो कुनियत राखेर कुनै काम गर्ने बेलामा सोच्ने थिए । तर यो संबेदनशील बेलामा सबैजना आआफनै रन्थमलमा रुमलिने गरेकाले मौकामा चौका हान्नेहरु सल्लबलाउन सक्छन । बेलैमा नियन्त्रणको प्रयास गरे राम्रो ।pb