प्रेस संगठन झापाद्वारा पत्रकारलाई प्रेस ज्याकेट र बिमा अभियान

बिर्तामोड,

 कोरोनाको संक्रमणको समयमा फ्रन्टलाइनमा रहेर काम गर्नेहरु बढी जोखिममा हुन्छन् । विशेषगरी स्वास्थ्यकर्मी, सञ्चारकर्मी र सुरक्षाकर्मीहरु । उनीहरुमध्ये स्वास्थ्यकर्मी र सुरक्षाकर्मीहरुको सुरक्षाका लागि त सरकारले केही प्रबन्ध गरिरहेको छ । सञ्चारकर्मीहरु, जो अहोरात्र सूचनाको सम्वाहक बनेर खटिरहेका हुन्छन् । उनीहरुका बारेमा न सरकार, न समुदायले सहयोग गरेको पाइन्छ ।

यसका लागि सञ्चारक्षेत्र नै सजग हुन जरुरी हुन्छ । यही सजगता र सर्तकताका लागि प्रेस संगठन नेपाल झापाले एउटा विशेष अभियान चलाइरहेको छ । खासगरी लकडाउन वा निषेधाज्ञाको समयमा पनि फ्रन्टलाइनमा बसेर काम गर्नुपर्छ, उनीहरुलाई कोरोनाको संक्रमणबाट बचाउन र आइपर्ने जोखिम कम गर्नका लागि प्रेस ज्याकेट वितरण र बिमा गरिदिने अभियान चलाइएको प्रेस संगठन नेपालका केन्द्रिय सदस्य तीर्थ सिग्देलले बताउनुभयो ।

यसै अभियान अन्तरगत यसअघि ३१ सञ्चारकर्मीको कोरोना बिमा गरिएकोमा थप ३१ जनाकै बिमा गर्न लागिएको उहाँले बताउनुभयो । संगठनकै योजना अनुसार सञ्चारकर्मीहरुका लागि २ सय थान प्रेस ज्याकेट तयार भएको र हाल ५० थान वितरण गरिसकेको संगठनका झापा अध्यक्ष मुक्ति पौडेलले जानकारी दिनुभयो । प्रेस ज्याकेट बन्द लगायतको समयमा अत्यावश्यक हुन्छ । जसका कारण सञ्चारकर्मीहरुलाई रिर्पोटिङमा जान आउन सहज हुनेछ । tirtha sigdel ko fesbuk