भदौ १७ गते राति १२ बजे सम्म निषेधित क्षेत्रको समय थप गर्ने निर्णय

सुनसरी

जिल्ला प्रशासन कार्यालय सुनसरीले थप तीन दिन निषेधित क्षेत्रको समय बढाएको छ । जिल्लामा कोरोना सङ्क्रमितको सङ्ख्या दिनानुदिन वृद्धि भइरहेको भन्दै

जिल्ला प्रशासनमा कार्यालयमा बसेको सुरक्षा समितिको बैठकले भदौ १७ गते राति १२ बजे सम्म निषेधित क्षेत्रको समय थप गर्ने निर्णय गरेको सुनसरीका प्रमुख जिल्ला अधिकारी फणीन्द्रमणि पोखरेले बताए । बैठकमा सुरक्षा निकायका प्रमुखहरूसँगै जिल्लाका गाउँ तथा नगरपालिका प्रमुखहरू , सुनसरी उद्योग वाणिज्य सङ्घ, इटहरी र इनरुवाका उद्योग वाणिज्य सङ्घका प्रतिनिधिहरू पनि सहभागी थिए । बैठकका सहभागीहरूले मिश्रित प्रतिक्रिया दिएका थिए ।

धेरै जसोले निषेधित क्षेत्र खोल्नु पर्ने भनेका थिए तर आधार प्रस्तुत नगरेकोले निषेधित क्षेत्रको अवधि ३ दिन थप गर्ने निर्णय भएको प्रजिअ पोखरेलले बताए । यसअघि भदौ १४ गतेसम्म निषेधित क्षेत्रको निर्णय गरिएको थियो ।

भदौ १७ देखि के गर्ने भन्ने बारेमा कोरोना सङ्क्रमणको अवस्था हेरेर निषेधित क्षेत्रको समय थप गर्ने की नगर्ने भन्ने बारेमा अर्को निर्णय हुने प्रमुख जिल्ला अधिकारी पोखरेलले बताए ।
जनस्वास्थ्य नीरिक्षक घनस्याम सिग्देलका अनुसार भदौ १० गते swab Collection गरेको मध्ये थप ७ जनामा कोरोना COVID19 संक्रमण पुष्टी । संक्रमित हुनेहरु इटहरी २ का १ जना -४२ वर्षिय पुरुष,इटहरी ५ का १ जना- ३४ वर्षिय पुरुष,इटहरी ६ का १ जना-४३ वर्षिय महिला,इटहरी ९ का २ जना- ११ महिनाको वालिका र २४ वर्षिय पुरुष,इटहरी २० का २ जना- १० र २० वर्षिय महिला रहेका छन । यो संगै हाल सम्म इटहरीमा कोरोना संक्रमण पुष्टी भएका १३२ जना पुगेको छ ।