इटहरी -धरान र तरहरा क्षेत्रमा लगातार बर्षा, सतर्क रहन आग्रह

इटहरी ।आइतबार विहानै देखि प्रदेश एक सहित धेरै स्थानमा भारी वर्षा भईरहेकाले जल तथा मौसम विज्ञान विभागले सतर्कता अपनाउन आग्रह गरेको छ । प्रदेश एकका तराईका जिल्ला, झापा, मोरङ, सुनसरी लगायतका जिल्लाहरुमा बिहानै देखि भारी वर्षा भइरहेको छ ।विभागले इटहरी, धरान, विराटनगर लगायत मुख्य शहरका स्थानीयलाई सर्तकता अपनाउन आग्रह गरेको हो । यस्तै सुनसरी खोला, बुढीखोला, खेसरीया, लोहन्द्रा खोला लगायतमा बाढी आउन सक्ने भन्दै उच्च सुतर्कता अपनाउन समेत विभागले आग्रह गरेको छ ।सर्दु खोला, टेङ्रा खोला, बुढी खोलाम  बाढी आउन सक्ने भएकाले सतर्कता अपनाउन महाशाखाले अनुरोध गरेको छ । बाढी, पहिरो र डुबानको जोखिम बढेको भन्दै सतर्कता अपनाउन आग्रह गरेको हो ।

अधिकांश स्थानमा हल्कादेखि मध्यम वर्षाको सम्भावना रहे पनि केही स्थानमा भारी वर्षा हुने जल तथा मौसम विज्ञान विभागले जनाएको छ । इटहरीमा हिजोदेखि मौसममा बदली आएसँगै वर्षा भइरहेको छ । saptkoshi online bat