रिडेक र दलित जनअधिकार मञ्चले राहत दियो

इटहरी
रिडेक नेपाल बिराटनगर र दलित जनअधिकार मञ्चले उदयपुरको त्रियूगा नगरपालिका स्थित भुल्के चौकका बिपन्न तथा गरिव मजदुरलाई खाद्यन्न लगायतका राहत सामाग्रि प्रदान गरेको छ ।रिडेक नेपालका अध्यक्ष उमेश बिश्वकर्माका अनुसार भुल्केमा रहेको मस्जिदमा फेला परेका कोरोना संक्रमित १३ जनाको रिपोर्ट पोजेटिभ आएपछि त्यो क्षेत्र बिशेस चर्चामा आएको थियो। संक्रमण रोक्न जारी लकडाउनको कारण त्यहाँका बिपन्न परिवारलाई दैनिक आधारभुत आबाश्यक्ता पुरा गर्न मुस्किल परेपछि केही ब्यबस्था मिलाएर राहत उपलब्ध गराएको बिश्वकर्माको भनाई छ । त्यहाँका ३४ घर परिवारलाई प्रति ब्यक्ति ३० किलो चामलको राहत प्याकेज त्यहाँको त्रियूगा नगरपालिकालाई साक्षि राखेर बितरण ब्यबस्था मिलाएको बताइएको छ ।लक डाउनका कारण भोको रहेको पाइएमा त्यस स्थानका बिपन्न दलित मजदुरलाई सहयोग गर्न हमेशा तयार रहेको रिडेक नेपाल बिराटनगका अध्यक्ष तथा गैरसरकारी संस्था महांसंघका केन्द्रीय सचिब समेत रहेका उमेश बिश्वकर्माले बताउनु भएको छ ।