सासु बुहारीलाई लाग्यो हत्कडी

इटहरी
घरभित्र झोलामा २१.५० ग्राम ब्राउन सुगर सहित इटहरी उपमहानगरपालिका–१७ पकलीबाट प्रहरीले एकै घरका सासुबुहारीलाई पक्राउ गरेको छ ।
घरमा लागूऔषधको कारोबार गर्ने ७० वर्षीया सरातुन खातुन र उनकी २० वर्षीया बुहारी सेविका सरदारकोबारेमा सुराक पाएपछि प्रहरीले छापा हानी झोलाभित्र उक्त परिमाणको ब्राउन सुगर बरामद गरिएको इलाका प्रहरी कार्यालय पकलीले जनाएको छ । पकली थानाबाट खटिएको प्रहरी टोलीले सासुबुहारीको लागुऔषध कारोबार काण्ड उजागर गरेपछि लागूऔषध सहित सासु बुहारीलाई हिरासतमा राखेर थप अनुसन्धान तथा कानुनी कारबाहीको प्रक्रिया अघि बढाइएको जिल्लाप्रहरी कार्यालय सुनसरीका डिएसपी तथा सूचना अधिकारी चन्द्रबहादुर खड्काले जानकारी दिएका छन ।