शरिफलाई स्वास्थ्य जाँचमा रोक

इस्लामावाद– पाकिस्तानको जेलमा रहेका पूर्व प्रधानमन्त्री नवाज सरिफ भ्रटाचारको आरोपमा जेल चलान भएका छन् । यसरी उनी जेल परिसकेपछि राजनीतिमा पनि निकै उतारचढाव आएको छ । पाकिस्तानमा यही जुलाई २५ मा हुन लागेको संसदको निर्वाचनमा पनि सेनाको भूमिकाका बारेमा विविध प्रश्नहरु उठाइएको छ । सरिफले पाकिस्तानको सेनाले आफुलाई सधै टार्गेट गरेको बताएका छन्।

निर्वाचनको पूर्वसन्ध्यामा सरिफलाई नियन्त्रणमा लिएपछि यहाँको राजनीतिमा नयाँ उथलपुथल ल्याउने सम्भावना रहेको छ । उनलाई हालै मात्र इस्लामावादको एक अदालतले १० वर्षको कारावासको फैसला सुनाएको थियो भने अर्को एक अदालतले १ वर्ष जेल सजायको फैसला गरेको थियो र एक करोड अमेरिकी डलर जरिवाना समेत तोकेको थियो ।

हाल उनको स्वास्थ्य स्थितिमा समस्या उत्पन्न भएको छ । उनलाई उच्च रक्तचाप भएको छ । तर जेल प्रशासनले उनको स्वास्थ्य जाँच गर्न दिएको छैन । उनले आफ्नो पारिवारिक चिकित्सकसँग नै जाँच गराउनका लागि निवेदन दिएका थिए तर निवेदन अस्विकृत भएको छ ।