बिपन्नलाई घर ठडढांदै बेलबारी नगरपालिका

बिराटचौक
विपन्न तथा असहायकालागि मोरङको बेलबारी नगरपालिकाले बसोबास गर्नेघर निर्माण गरेर लोकतन्त्रको आभास दिलाएको छ ।
नगरपालिका क्षेत्रमा अब्यबस्थित तरिकाले बस्दै आएका १ सय १ परिवारलाई घर बनाएर भित्र हुल्ने तयारी गरेको नगरप्रमुख ज्ञानेन्द्र सुबेदीले बताएका छन ।बेलबारी नगरपालिका, सहारा नेपाल र ह्याविटेड नेपालको सहकार्यमा

कमजोर आर्थिक अवस्था भएका नागरिकहरुका लागि पूर्ण रुपमा निःशुल्क घर तयार गरिदिएको हो ।

पहिलो चरणमा नगरभित्रका तीन वटा वडाहरु वडा नं. ३, ४ र ११ मा घरहरु निर्माण गरिएको छ ।उपमेयर ढाकाकुमारी पराजुलीका अनुसार वडा नं. ३ मा ४०, वडा नं. ४ मा २०, वडा नं. ११ मा ४० र वडा नंं १० मा १ गरि जम्मा १ सय १ वटा घरहरु निर्माण भएका हुन् ।

नगरपालिकाले चिटिक्क परेका घरहरु निःशुल्क निर्माण गरिदिएपछि लाभग्राहीहरु हर्षित भएका छन् । बेलबारी नगरपालिका, सहारा नेपाल र ह्याविटेड नेपालको त्रिपक्षीय लगानी सम्झौतामा घरहरू निर्माण गरिएको हो । नगरपालिकाको स्टिमेट् अनुसार प्रत्येक घरमा बरण्डा र तीन वटा कोठा र गाढा निलो रङ्को टिनको छानो लगाइएको छ ।रपालिकाका अनुसार प्रतिघर नगरपालिकाको १ लाख ५० हजार तथा सहारा नेपाल र ह्याविटेड नेपालको १ लाख गरि जम्मा २ लाख ५० हजार रुपैयाँ खर्च भएको छ ।