धनि पत्रकारले ५३ जना गरिब पत्रकारलाई खानेकुरा बाँडे

इटहरी /
सुनसरीका सक्रिय सञ्चारकर्मीहरुलाई फुड बैँक कार्यक्रम सम्पन्न भएकाे छ । नेपाल प्रेस युनियन सुनसरीले पत्रकारहरुलाई पहिलाे चरणकाे सहयोग कार्यक्रम अनुसार सुनसरीका विभिन्न क्षेत्रमा रहेर सञ्चारकर्मगर्दै आएका पत्रकारहरुकालागी आवश्यक पर्ने खाद्यान्न सहयोग गरिएको कार्यक्रम संयोजक कृष्ण अधिकारीले जानकारी दिए ।

एक बोरा चामल, दुई किलो नुन, दुई किलो चिनी, दुई किलो दाल, दुई किलो न्यूटला लगायतका खाद्यान्न वितरण गरिएको प्रेस युनियन सुनसरीका अध्यक्ष पवन अधिकारीले बताएका छन् ।

उनका अनुसार खाद्यान्न अभावमा कोही पनि पत्रकार भोको बस्न नदिनका लागि प्रेस युनियनले फुड बैँकको स्थापना गरेको थियो । अभावमा नरहेका पत्रकारहरुबाट सहयोग उठाएर अभावमा रहेका पत्रकारहरुलाई खाद्यान्न दिईएको थियो । जिल्लाका ५३ जना सञ्चारकर्मीहरुलाई खाद्यान्न वितरण गरिएको प्रेस युनियन सुनसरीले बताएकाे छ ।

लेखेर दुनियाँको आँखा खोलन सहयोग गर्ने पत्रकारलाई खाने कुराकै अभाव भएको मेसेज जाँदा अलि खिसी टयूरि होलाकी भनेर भरिसक सटाक सुटुक्क भुमिगत स्टायलले बितरण गरेको बताइएको छ । दालचामल लिने ती गरिव पत्रकारहरु को हुन भन्ने चासो कसैले राखेका छैनन र राख्नु उचित पनि होइन एक दाता पत्रकारले भने ।