सवारी दुर्घटना न्यूनिकरणमा टाइम कार्ड

काठमाण्डौं उपत्यकाकमा बढिरहेको सवारी दुर्घटनालाई न्यूनिकरण गर्ने उद्देश्यले भक्तपुरको जगाति देखि कठमाण्डौंको कोटेश्वर सम्म मालवाहाक सवारी साधनलाई टाइम कार्ड लागू गर्ने भएको छ । टाइम कार्ड लागू गरेपछि ट्रक,ट्रिपर, भ्यान जस्ता सवारी साधनले प्रति घण्टा ४० किलोमिटरको गसिमा गुड्नु पर्ने हुन्छ । काठमाण्डौं भक्तपुरको सडक फराकिलो भएको कारणले बढि तिव्र गतिमा सवारी गुडने हुदा दुर्घटना बढिरहेको जानकारी महानगरिय ट्राफिक प्रहरी महाशाखाले गरेको छ ।

ट्राफिक महाशाखा प्रमुख एवं प्रहरी वरिष्ठ उपरिक्षक वसन्त कुमार पन्त यो टाइम कार्ड लागू गरेर मलवाहक सवारी साधनलाई सडकको वाँया भागबाट गुडाउन लगाएपछि दुर्घटनामा कमि आउने विश्वास गर्नुहुन्छ ।

पन्तका अनुसार विहान ८ देखि १२ बजे सम्म र साझ ३ बजेदेखि ८ बजेसम्म ट्रक एवं ट्रिपरलाई उपत्यका प्रवेशमा रोक लगाइएको छ । अहिले टाइम कार्ड लागू गर्ने क्षेत्र जगाति देखी कोटेश्वर समम ९.७ किलोमिटर हुन्छ ।