Spread the love

उदयपुर÷
प्रतिबन्धित लागूपदार्थ गाँजाको ठूलो परिमाण सहित उदयपुरमा दुई महिलालाई प्रहरीले पक्राउ गरेको छ ।
चौदण्डीगढी नगरपालिका–१, रानीटारस्थित ४१ वर्षीया रत्नमाया श्रेष्ठको घरबाट करिब १ हजार १४३ किलो गाँजा बरामद गरेको जिल्ला प्रहरी कार्यालय उदयपुरले बताएको छ । गाँजा ३५ वटा बोरामा हालेर लुकाइएको अवस्थामा प्रहरीले रत्नमाया श्रेष्ठसँगै सोही स्थानकी ४२ वर्षीया कमला श्रेष्ठलाई पनि नियन्त्रणमा लिएको छ । जिल्ला प्रहरी कार्यालय उदयपुरको हिरासतमा राखेर लागूपदार्थ कारोबारसम्बन्धी कानुनी अनुसन्धान अघि बढाइएको इलाका प्रहरी कार्यालय रामपुर ठोक्सिलाले बताएको छ ।