नेकपा एसले पोर्चुगलमा नेता छान्यो

इटहरी

नेकपा एकीकृत समाजवादी पार्टीको लागि बिदेशमा बस्ने नेपालीहरु पनि संगठित हुने क्रम जारी रहेको छ । पोर्चुगलमा कार्यरत हाम्रा सहयोगि पत्रकार शेरबहादुर परियारका अनुसार नेकपा एसको पोर्चुगलको अध्यक्षमा निराजन सुवेदीलाई चयन गरिएको छ ।

लिस्बन,पोर्चुगल नेपाल कम्युनिस्ट पार्टी (एकीकृत समाजवादी )को प्रवासको संगठन प्रवासी नेपाली एकता मञ्च पोर्चुगलको कार्यसमिति गठन भएको परियारले इमेल मार्फत जानकारी गराउनु भएको छ ।

भब्य समारोहका साथ माघ २ गते गठन भएको २१ सदस्यीय कमिटीमा सुबेदीलाई सर्बसम्मतिले अध्यक्षमा निर्बाचित गरिएको थियो । सुबेदी प्रवासी नेपाली मञ्च तथा एनआरएनए पोर्चुगलका महासचिव समेत रहेर काम गरि सकेका लगनशील र क्षमतावान नेता भएको परियारको भनाई छ । परियारका अनुसार उपाध्यक्षमा मनमोहन पासवान, गणेश बुढा, महासचिवमा ओम घर्ती, सचिवमा विनय खनाल, निर्माण गुरुङ र कोषाध्यक्षमा विनोद कार्की रहेका छन् ।

त्यसैगरी सदस्यहरुमा रक्षा पुन ,सुशील अधिकारी बाबुलाल कुमाल ,चयनकुमार पुन ,सुरेन्द्र राई,
अमर गुरुङ ,अनिता थापा ,रोमन बुढा ,जुन कुमारी बुढा ,सरस्वती गुरुङ ,मान ब. तामाङ ,थमन थापा मगर ,तेजकुमारी पुन र डि बि गुरुङ चयन भएका छन्।