कोरोना भाइरसका कारण भ्रमण वर्ष असफल

कोरोना भाइरसका कारण भ्रमण वर्ष असफल
काठमाडौं । सरकारले घोषणा गरेको भ्रमण वर्ष २०२० असफलजस्तै भएको छ । भ्रमणवर्ष सुरु भएको ४७ दिन बितिसक्दा पनि पर्यटक नेपाल आएका छैनन् ।
सरकारले पनि भ्रमणवर्षको लागि प्रशस्तै तयारी गरेको देखिँदैन । केवल औपचारिक उद्घाटन र भाषणमात्र भएपनि के गर्दा पर्यटक नेपाल आउँछन् भन्नेमा सरकारको ध्यान पुग्न सकेको छैन । साउन १५ गते मन्त्रीमा नियुक्त भएका संस्कृति, पर्यटन तथा नागरिक उड्डयनमन्त्री योगेश भट्टराई पनि भ्रमण वर्षसँगै असफल भएका छन् । अहिले न त सरकार न त मन्त्री नै भ्रमण वर्षको बारेमा बोलेका नै छन् ।
चीनबाट सुरु भएको कोरोना भाइरसका कारण नेपालमा पनि अनेकन शंका सुरु भएका छन् । यूरोपियन युनियनमा आवद्ध २६ वटा देशले नेपालमा कोरोना भाइरस छिरेका कारण असुरक्षित भएको भन्दै नेपाल भ्रमणमा नजान आफ्ना नागरिकलाई आग्रह नै गरिसकेका छन् । अमेरिका, फ्रान्स, अष्ट्रेलिया, सिंगापुर, स्वीट्जरल्याण्डलगायतका देशले पनि भाइरसको खतरा भएकाले सचेतना अपनाउन पनि नागरिकलाई आग्रह गरिसकेका छन् ।
चीनबाट सुरु भएको कोरोना भाइरस नेपालमा पनि प्रवेश गरेको सन्देश फैलिएको छ । सरकारले भाइरस रोक्न कुनैपनि चेतनामूलक कार्यक्रम पनि गर्न सकेको छैन । चीनबाट मात्र २ लाख पर्यटक नेपाल भित्रयाउने सरकारको लक्ष्य रहेको छ ।