कालीगण्डकीमा पानीको बहाव उच्च, सतर्क हुन आग्रह

काठमाण्डौं– लागातारको वर्षापछि पर्वत जिल्लाको कालीगण्डकी नदीमा पानीको बहाव निकै बढेको छ । नदीको मुहान  क्षेत्रमा  लागातारको भारी वर्षाको कारण पानीको सतह ह्वात्तै बढेको कारण उक्त क्षेत्रका बासिन्दाहरु निकै त्रशित भएका छन् । पानीको सतह बढेसँगै  जिल्ला प्रशासन कार्यालय पर्वतले नदी आपसपासको क्षेत्रमा दाउरा, बालुवा अन्य  वस्तुहरु संकलनमा सचेत गराएको छ । साथै तटीय क्षेत्रका बासिन्दाहरुलाई प्रहरीले समेत सचेत गराईरहेको छ । पानीको बहाव बढेसँगै पर्वतको बारी, बेनी, बागलुङको सिमाना मालढुंगाको माझी बस्ती सहित अन्य मोदीवाणी, सेतीवाणी र पूर्तिघाट, मुस्ताङ, म्याग्दी र पर्वतको तटीय क्षेत्र बढी जोखिममा परेका छन् ।