ज्योति विकास बैंक ११औँ वर्षमा प्रवेश

ज्योति विकास बैंक आफ्नो स्थापनाको १०औँ वर्ष पूरा गरी ११औँ वर्षमा प्रवेश गरेको छ । ११औँ वर्ष प्रवेशको अवसरमा बैंकले कमलादी शाखा प्रांगण तथा सिमरा शाखामा रक्तदान कार्यक्रम आयोजना गरी मनाएको छ ।

त्यस्तै, मुस्ताङमा भएको सवारी दुर्घटनामा आफ्ना श्रीमान सहित सबै परिवार गुमाएकी रोल्पा थवाङ गाउँपालिका उवा निवासी २१ वर्षीया लिलासरी पुनमगर रोकालाई बैंकमा रोजगारी दिने निर्णय गरिएको बैंकले जनाएको छ ।

उनीसँग हाल वृद्ध सासु–ससुरा र ५ वर्षे छोरा मात्र रहेकाले बच्चाको १२ कक्षासम्मको पढाइ लेखाइ खर्चका लागि बैंकले सामाजिक उत्तरदायित्व कोषबाट व्यहोर्ने निर्णय पनि गरेको छ ।

बैंकले विराटनगर शाखाबाट श्री जनचेतना आधारभूत विद्यालयका विद्यार्थीलाई स्टेसनरी प्रदानलगायत विभिन्न शाखाबाट विभिन्न कार्यक्रम गरिएको जनाएको छ ।

यस विकास बैंकले देशभरमा ६० शाखा तथा २० एटिएम मार्फत  सेवा उपलब्ध गराउँदै आएको जनाएको छ ।