Spread the love

 केराबारी÷ लक डाउनको मौका छोपेर बन क्षेत्रमा तस्करी गर्दै धमाधम काठ चोर्ने  नियतले प्रबेश गराएका चारवटा सबारी साधनलाई  इलाका प्रहरी कार्यालय केराबारीले नियन्त्रणमा लिएको छ । 
हाम्रा सहयोगि पत्रकार त्रिलोचन पौडेलले दिनु भएको जानकारी अनुसार श्रावण १८ गत प्रहरी सहायक निरिक्षक रमेश प्रधान नेतृत्वको प्रहरी टोलीले केराबारी ८स्थित चारकोशे झाडी आसपासमा अबैधरुपमा ढुंगा संकलन गर्दै गरेका को २ त ६७५७ नम्बरको ट्याक्टर ७२ घनमिटर ढुंगासहित, को २ त ५८१२ नम्बरको ट्याक्टर १२० घनमिटर ढुंगासहित, को २ त ७०७८ नम्बरको ट्याक्टर १२० घनमिटर ढुंगासहित र को २ त ७१२५ नम्बरको ट्याक्टर १२० घनमिटर ढुंगासहित नियन्त्रणमा लिएर सव डिभिजन बन कार्यालय केराबारीलाई बुझाएको छ ।  नियन्त्रणमा लिएका ट्याक्टरहरु बन कार्यालयलाई बुझाएको हो।

बन क्षेत्रमा ढुंगा लोड गर्दै गर्दा ४३२ घनमिटर ढुंगासहित नियन्त्रणमा लिएका ति ट्याक्टरहरुलाई बन ऐन २०७६ अन्तरगत कसुर ठहरिएको हुँदा बनलाई बुझाएको केराबारी प्रहरीले जनाएको छ।

यसैबीच सव डिभिजन बन कार्यालय केराबारीका प्रमुख बिक्रम अमात्यले प्रहरीले नियन्त्रणमा लिएर आँफुहरुलाई बुझाएका ट्याक्टरहरुको बिषयमा अनुसन्धान भईरहेको र अनुसन्धान पश्चात संघीय बन ऐन २०७६ अन्तरगत कारबाही गरिने पूर्वी खबरलाई बताउनुभयो।

यस्तै केराबारी प्रहरीले शनिबार पनि अबैध उत्खनन् गरिरहेको एउटा स्काभेटर र एउटा ट्रिपर नियन्त्रणमा लिएको छ। प्रहरीले केराबारी ९स्थित लोहन्द्रा खोलामा को १ क २३८७ नम्बरको स्काभेटर र को १ ख ४७०५ नम्बरको ट्रिपर नियन्त्रणमा लिएको हो।

अवैध रुपमा उत्खनन् गरिरहेका स्काभेटर र ट्रिपर स्थानीयको सहयोगमा प्रहरी नायव निरिक्षक दिपक बरालको नेतृत्वमा खटिएको प्रहरी टोलीले नियन्त्रणमा लिएको हो।

प्रहरीले नियन्त्रणमा लिएका स्काभेटर र ट्रिपर कारबाहीका लागि केराबारी गाउँपालिकामा बुझाईने केराबारी प्रहरीले जनाएको छ। ती सबारी साधन कसको नाममा छन ? चालकहरु को थिए भन्नेबारे राम्रो छानबिन हुनु पर्ने स्थानीय बुद्धिजीबीले माग गरेका छन ।