कर्मचारीलाई सङ्क्रमणको स्रोत पत्ता नलाग्ने हो भने इटहरी कोरोना सङ्क्रमणको उच्च जोखिममा, पिसिआरको दायरा बढाउँ

इटहरी।
सुनसरीको इटहरीमा इटहरी उपमहानगरपालिकाका एक इन्जिनियरमा सङ्क्रमणको पुष्टि भएपछि उनी कसरी सङ्क्रमित हुन पुगे भन्ने कौतुहलता बढेको छ । कोरोना सङ्क्रमणको पुष्टि भए पश्चात् कर्मचारी कसरी कोरोना संक्रमति भए सोधीखोजी हुन थालेको छ । उनी कसरी सङ्क्रमित भए भन्ने विषय थप जटिल भएको छ ।
तर कोरोना सङ्क्रमित कर्मचारीको घरमा भारतीय कामदारहरु केहि रात क्वारेन्टाईनमा नबसी बसेको छिमेकीहरुले बताएका छन् । इटहरीको जनता स्कुल निमार्णधिन छ । त्यहाँका ठेकेदारले भारतबाट सेटिङमा कामदार ल्याएको र उक्त कामदार एक रात उनै इन्जिनियरको घरमा बसेका थिए । भारतबाट आएकाा मुस्लिम समुदायका ती कामदारलाई पछि क्वारेन्टाईनमा राख्ने भने पछि भागेर उनी भारत तिरै गएको स्रोत्रले बताएको छ ।
कोरोना सङ्क्रमित इन्जिनियरका छिमेकीहरुले भने भारतबाट आएका मजदुरहरुबाट सरेको बताउँदै आएका छन् । उनका घरमा भाडामा बस्नेहरु सँग भारतबाट आएकाहरु बसेको स्थानीयहरु बताउँछन । तर यस विषयलाई प्रहरी प्रशासन र स्थानीय सरकारले कर्मचारीलाई कोरोना स¥यो भन्ने यथार्थ पत्ता लगाउन नसकेको खण्डमा कोरोना कहरबाट बच्न सबैको पिसिआर परिक्षण अनिवार्य गर्नुपर्छ । भन्ने आवाजलाई थप मद्धत पुग्नेमा दुईमत छैन अन्यथा उनलाई कसरी सङ्क्रमण भयो भन्ने पत्ता लगाउनुको विकल्प छैन । सुनसरी,मोरङ र झापामा समुदायमा कोरोना सङ्क्रमण फैलिन सुरु भएको छ । अहिले सुनसरीको धरान,इटहरी,विराटनगर तथा झापाका विभिन्न ठाउँहरूमा कोरोना सङ्क्रमण दिनानुदिन बढ्दो छ । विश्वमै कोरोना कहरले प्रताडित मानिस सायदै कोही नहोला । सूचना र प्रविधिको सहज पहुँचका कारण कोरोना सङ्क्रमण,मृत्यु र निदानका विषयमा दिनहुँ अद्यावधिक तथ्याङ्क आईरहेका छन् ।

नेपालमा अधिकतम सङ्क्रमित ट्राभल हिस्ट्री भारत भएका व्यक्तिहरु रहेको पुष्टि भइसकेको छ । तर इटहरीका सङ्क्रमित कर्मचारीले लकडाउन शुरु भए पश्चात सङ्क्रमण फैलिने उच्च सतर्कता अपनाउँने गरेको उनी निकट साथीभाईहरु बताउँछन ।

इटहरीका कर्मचारीलाई सङ्क्रमणको स्रोत पत्ता नलाग्ने हो भने हामी कोरोना सङ्क्रमणको उच्च जोखिममा छौं ।

इटहरीमा हामी धेरै नागरिक लामो ट्राभल हिस्ट्री नभएका पनि छौं,जसरी इटहरीका सङ्क्रमित कर्मचारीको पनि लामो ट्राभल हिस्ट्री थिएन । यहि तथ्यलाई मनन गर्ने हो भने पिसिआर परिक्षणको दायरा फराकिलो बनाउनुको विकल्प छैन । इटहरीका कर्मचारीको सङ्क्रमणको स्रोत पनि पत्ता लगाइ सार्वजनिक गर्नु जरुरी छ ।

इटहरीमा कर्मचारीमा कोरोना पुष्टि भए सँगै अन्य उनका आफन्त तथा साथीभाईहरुको पिसिआर टेष्ट भएको छ । तर रिपोर्ट नआएकै अवस्थामा अधिकांस नजिकका कर्मचारीहरु क्वारेन्टाईनमा बसेका छैनन् । बरु बजारका चिया पसलहरुमा गफिने गरेका छन् ।

इटहरीका मेयर द्धारिकलाल चौधरीले इटहरीमा कोरोना फैलिएको कारण चिन्ता ब्यक्त गरको छन् । इटहरी उपमहानगरपालिकाका कर्मचारीमा कोरोना सङ्क्रमित भए सँगै उनका छोरा सहित ४ जनालाई कोरोना पुष्टि भईसकेको छ ।

इटहरीमा जनप्रतिनिधिको सवारी चलाउँनेहरुलाई समेत कोरोना सङ्क्रमण देखिएको भन्दै इटहरी उपमहानगरपालिकाले पिसिआर परिक्षणको दायरा बढाउँने बताएको छ । अहिले सम्म कर्मचारीलाई कोरोना पुष्टि भए पश्चात् २ सय बढिको कोरोना टेष्ट भएको मेयर चौधरीले बताए ।

इटहरी उपमहानगरपालिकाबाट २ सय बढिको पिसिआर टेष्ट भएको र बाँकीको रिपोर्ट आउ पछि मात्र उपमहानगरले थप कदच चाल्ने तयारीमा रहेको इटहरीका मेयर द्धारिकलाल चौधरीले बताए । पिसिआरको दायरा भने बढाउँदै लौजानको चौधरीको भनाई थियो ।

इटहरी उपमहानगरपालीकामा अहिले सम्म कुल १२ सय जनाको पिसिआर चेक गरिएकोमा १९ जनामा काेराेना संक्रमण भेटिएको जनाइएको छ । बिभिन्न समयमा गरिएको पिसिआर चेकिङमा अहिले सम्म १९ जनामा संक्रमण देखिएको इटहरी उपमहानगरका स्वास्थ्य शाखा प्रमुख रामचरण चौधरीले बताउनुभयो ।

त्यस्तै कोरोना जितेर १४ जना घर फर्किसकेको पनि उहाले जानकारी दिनुभयो ।भारतको बिहार हुदै घर फर्किएका , बैदेशिक रोजगारबाट घर फर्किएका र समुदाय स्तरमा फैलिएको कोरोना संक्रमित सहित इटहरीमा कुल १९ जनामा संक्रमण पुस्टी भएको स्वास्थ्य शाखा प्रमुख चौधरीको भनाइ छ ।

बैदेशिक रोजगारबाट फर्किएका र भारतबाट फर्किएकाहरलाइ इटहरी स्थित जनता कलेजको क्वारेन्टिनमा राखिएको र कोरोना पुस्टी भएसंगै बिपि प्रतिष्ठानको आइसोलेसन र कोशी अञ्चल अस्पतालको आइसोलेसन वार्डमा राखि उपचार गराइएको थीयो ।

उपचारमध्ये १४ जना कोरोना जित्दै घर फर्किएका छन एक जनाको अझै उपचार जारी रहेको बताइएको छ । त्यस्तै इटहरी उपमहानगरको इञ्जिनियर सहित ४ जनालाइ होम आइसोलेसनमा राखेर उपचार पदति सुरू गरिएको जनाकारी प्राप्त भएको छ ।

उपमहानगरको इञ्जिनियरलाइ गत साउन १५ गते कोरोना पुस्टी भएसंगै उपमहानगर भित्रका कर्मचारी र उनको परिवार सहित बिभिन्न चरणमा २७२ जनाको पिसिआर द्धारा स्वाव संकलन गरिएकोमा बिपि प्रतिष्ठानबाट प्राप्त रिपोर्ट अनुसार थप तिन जनामा कोरोना पुस्टी भएको थीयो ।

यो संगै अब इटहरीमा कोरोनाबाट संक्रमित हुनेहरूको संख्या १९ पुगेको छ भने आइसोलेसनवार्डमा उपचार गराउनेको संंख्या ५ पुगेको छ । २७२ जना मध्ये हाल सम्म ६६ जनाको मात्र रिपोर्ट सार्वजनिक भएको छ भने बाकिको आज साझ सम्ममा आइसक्ने र तत्काल इटहरीलाइ लकडाउन गर्ने बिषयमा आपतकालिन बैठक बस्ने तयारी थालिएको इटहरी अस्पतालका इमरजेन्सी शाखा प्रमुख रामकुमार धमलाले बताउनुभयो ।