इटहरीमा सुर्तिजन्य अबैध कारोबार गर्ने २ पक्राउ

इटहरी । सुनसरीको इटहरी क्षेत्रमा सुर्तिजन्य पदार्थको अबैध कारोबार गर्ने २ जनालाई इटहरी प्रहरीले पक्राउ गरेको छ । इटहरी ४ पञ्चकन्या मन्दिर अगाडी अबैध रुपमा भारतबाट प्र.१०४००१ च ००३५ नम्बरको बोलेरो गाडीमा भन्सार छलेर ल्याएको सुर्तिजन्य पदार्थ पक्राउ गरेको इलाका प्रहरी कार्यलय इटहरीले जनाएको छ ।

भन्सार छली गरी चोरी निकासी गरी सुर्ति जन्य पदार्थ ल्याउदै छ भन्ने गोप्य सुचनाको आधारमा यस इलाका प्रहरी कार्यलय इटहरीले पक्राउ गरेको हो । पक्राउ पर्नेहरुमा गढी गाउँपालिका वडानम्बर ३ छिटाहा वस्ने सुरज कुमार मेहताले दुहबी नगरपालिका वडानम्वर ५ का मनोज रौनियारलाई फक्राउ गरिएको इटहरी प्रहरीले जनाएको छ ।

दुई लाख पचासी हजार मुल्य बराबरको सुर्तिजन्य पदार्थ , सामान लोड भएको गाडी, गाडीका चालक सुरज, सामान धनि रौनियारलाई सेतुवन्ध भन्सार कार्यालय कोशी व्यारेज सुनसरी पठाईएको इलाका प्रहरी कार्यलय इटहरीले जनाएको छ ।