आत्महत्या दुरुत्साहनको आरोपमा युवक पक्राउ

विराटनगर,

असार । विराटनगर बस्दै आएकी उदयपुरको बेलका नगरपालिका २ की २४ वर्षीया श्वेता पोखरेललाई आत्महत्या गर्न बाध्य बनाएको आरोपमा उनका पूर्व प्रेमी पक्राउ परेका छन ।

फूलमालाको अघिल्लो दिन आत्महत्या गरेकी स्वेताका आफन्तले जाहेर दिएपछि मोरङ प्रहरीले सुन्दरहरैचा नगरपालिका–१० का २५ वर्षीय सविन पराजुलीलाई पक्राउ गरी म्याद थप गरेको हो ।

पराजुलीलाई मोरङ अदालतले आत्महत्या दुरूसाहन मुद्दामा अनुसन्धानका लागि प्रहरीलाई ७ दिनको समय दिएको हो ।

मृतककी कान्छि बहिनीको जाहेरीमा पराजुलीलाई पक्राउ गरिएको मोरङ प्रहरीका प्रवक्ता डिएसपी मानबहादुर राईले बताए ।

महेन्द्र मोरङ क्याम्पसमा बिएसडब्लू दोस्रो वर्षमा अध्ययरत श्वेताक तीन वर्षदेखि सविनसँग प्रेम सम्बन्ध थियो ।

तर केही दिन अघि उनको अर्कै युवकसँग विवाह गर्ने निधो भएको थियो । सोमबार फूलमाला र १४ असारमा विवाह गर्ने तयारी थियो । तर सबिनले स्वेतासँगका पूराना फोटाहरु सार्बजनिक गरेपनि उनले आत्महत्या गरेकी थिइन ।