नगरपालिकाका मेयरले रातीराती डुल्दै ब्यपारी कुटे

सुनसरी
इनरुवाबाट सब्जि लिएर चाराली झापा जाँदै गरेका उर्लाबारी नगरपालिका ७ घर भएका पवन चौधरी र गाडी चालक उनका भाईलाई १५ गतेका दिन राती साढे ११.००बजे सुनझोडा पूल वारी चेकिङ गर्ने ठाउंमा उर्लावारी नगरपालिकाका मेयर खडग फागोले कुटपिट गरेका छन ।

ब्यपारि पवन चौधरी उद्दोगबाणिज्य संघ उर्लाबारीका सदस्य पनि हुन । चेकिंग भईरहेको ठाउँ सुनझोडामा ७ जना प्रहरी,नगरपालिकाका मेयर फागो,उ.वा.संघ उर्लावारीका अध्यक्ष र पत्रकार सरोज बस्नेत पनि रहेका थिए भनि पीडित पवन चौधरीले बताएका छन । राती गस्ती गर्ने प्रहरीसंग मेयर,पत्रकार र ब्यपारीका नेतासंगै रहेकोबेला गाडी रोकेर प्रहरीले कहाँबाट आएको र कहाँ हिंडेको भनी सोधे पछि मेयरले सब्जी बोकेको बा.१५प ७३५२को गाडी चालक पवनको भाईलाई भकाभक लाती मुडकी र लाठीले हानेर घाइते पारेका थिए। भाइलाई त्यसरी कुटेपछि पवन स्वयमलाई पनि मेयरले तं को होस भन्दै भक्का भक हान्न थाल्दा प्रहरी मुक दर्शक बनेका थिए। घाइते भएका चौधरीका भाईलाई मेयर फागोकै गाडीमा हालेर उपचारको लागि अस्पताल लगेको बताइएको छ । राती गुण्डाको शैलीमा कुटपिट भएपछि मेयर बिरुद्ध आबाज उठेपनि ब्यापारसंघका मान्छे र पत्रकारहरुले घटना सार्बजानिक गर्न नदिई गुपचुप राखेको बताइएको छ । पीडितले पत्रकारसंग घटनाबारे बोलेको अडियो सुरक्षित छ ।पत्रकार बस्नेत संचार कल्व उर्लावारीका अध्यक्ष पनि हुन । रातीको समयमा मेयर फागोसंग हिडदै मान्छे पिटेको घटना टुलु टुलु हेर्ने पुलिस,पत्रकार,ब्यपारिका नेताको नियत के हो? पीडित चौधरीले यो अन्यायलाई किन सार्बजानिक गरेनन ? पहिला पनि लकडाउनको समयमा हिंडने सर्बसाधारणलाई मेयर फागोले प्रहरीसंगै राखेर लाठी हानेका थिए। के गणतन्त्रमा जनप्रतिनिधीको शासन शैली यस्तै हुनु पर्ने हो त? सर्बत्र प्रश्न उठेको छ ।