जेसिसका नेता र पढाउने मास्टरहरु करणी काण्डमा फसे

इटहरी
एक युवतीलाई जबरजस्ती करणी गरेको आरोपमा एप्पल ट्रि मन्टेश्वरीका संचालक सन्तोष कटवाललाई प्रहरीले पक्राउ परेको छ । कटवाल प्रतिष्ठित संस्था तरहरा जेसिजका उपाध्यक्ष पनि हुन। ईलाका प्रहरी कार्यालय इटहरीका प्रहरी निरीक्षक मानबहादुर श्रेष्ठका अनुसार पटक पटक उनको बिरुद्ध सोही यूबती बिषयमा उजुरी परेपछि पक्राउ गरिएको हो ।

श्रेष्ठले भने, जबरजस्ती करणी आरोपमा हामीले पक्राउ गरी म्याद थप गरेका छौँ, अहिले त्यति भनौँ । उनले घटनाको बिस्तृत विवरणबारे अनुसन्धान भईरहेको जानकारी दिए । कटवाललाई करणी काण्डबाट बचाउन ठूलै शक्ति लागेकोले प्रहरी पनि मुद्धा बटार्न पटिट लागेको स्रोतको भनाई छ ।

यसअघि नै पक्राउ गरिएका कटवालले ती युवतीसँग माफ मागेर छाडिएपनि अहिले पीडितले पुनः प्रहरीमा जाहेरी दिएसँगै उनलाई पक्राउ गरिएको प्रहरीको भनाई छ । यसै गरि छोरी बलात्कारमा पल्केका इटहरीकै अर्का मान्छेलाई पनि प्रहरीले समातेको छ । इटहरीका पुर्ब शिक्षक ती ब्यक्तिले झटकेली छोरीलाई बलात्कार गरेको आरोपमा पक्राउ गरिएको प्रहरी निरीक्षक मानबहादुर श्रेष्ठले बताए ।