लकडाउन कडा पार्ने सरकारको तयारी, यस्तो हुनेछ अबको लकडाउन ?

काठमाडौं । लामो लकडाउनका कारण आत्तिएका नागरिकहरु लकडाउन खुकुलो भएसँगै भौतिक दुरी समेत कायम नगरी भिडभाड बढेपछि सरकारले पुन : लकडाउन कडा पार्ने तयारी गरेको छ ।

कोभिड १९ संकट व्यवस्थापन केन्द्र(सिसिएमसी)को सोमबार बसेको बैठकले लकडाउन खुकुलो भएसँगै संक्रमणको जोखिम बढेको भन्दै पुन : कडा पार्ने तयारी गरेको हो ।

सिसिएमसीको बैठकमा लकडाउनको समिक्षासँगै अहिले भइरहेको लकडाउनको मोडालिटीलाई व्यवस्थित बनाउनेबारे छलफल भएको छ । अहिले लकडाउन खुकुलो भएका ठाउँमा मानिसहरुले भौतिक दुरीको पालना नगर्नुका साथै मास्क र सेनिटाइटरको पनि प्रयोग नगरेको पाइएकाले यस्को व्यवास्थापन गर्ने विषयमा छलफल भएको छ ।

त्यसतै बैठकमा विदेश पढ्न जानेहरूका लागि भाषा परीक्षा दिने व्यवस्था मिलाउने, टोफेल आइएलटिएसको परीक्षा गर्नका लागि निर्देशिका तयार पार्ने, विदेशबाट आउनेहरूका लागि होम क्वारेन्टिनमा बस्न चाहेमा त्यसको व्यवस्था मिलाउने लगाएका काम सम्बन्धीत मन्त्रालयलाई जिम्मा दिने विषयमा पनि छलफल भएको सिसिएमसीका सचिव महेन्द्र गुरागाईं जानकारी दिएका छन् ।

दिन प्रतिदिन काठमाडौंमा कोरोना संक्रमित बढ्न थालेपछि सरकारले लकडाउन कसरी अगाडी बढाउने भन्ने बारेमा चाँडै निर्णय गर्ने छ